Iruña harro dago den bezalakoa izateaz: bere historiaz, nortasunaz, erroez... baina, batez ere, Iruña harro dago ahaleginari eta talentu partekatuari esker lortu duen guztiaz. Badaki zer duen –asko–, eta jakin badaki zenbat kostatzen den hori lortzea eta zaintzea. Horregatik, iruindarrek ez dute gustuko oilarkeria, eta naturaltasuna, berriz, aunitz. Iruñean, gauzak diruditen bezalakoak dira, eta jendea ere dirudien bezalakoa da. Leiala, prestua, hitzekoa, amarrurik gabe. Ez monumentuak, ez estatistikak: Iruña benetan paregabe egiten duena bere arima da, bertako jendea. Benetako gizon-emakumeak.